خدعوك فقالوا ؛”إن المدمن مجرم “

دى ممكن تكون حقايق بس اللى يدور عليها اكثر يشوف إن المدن “خااااايف ”
اكبر شعور عايشو المدمن فى حياته هو الخوف 
– الخوف من اللى حواليه .
– الخوف من بكرا .
– الخوف انه ما يقدرش يعمل حاجات كتير فى حياته .
– الخوف إن الناس هاتبصله نظرة دونية فيها نوع من أنواع الإحتقار .
علشان كدا هو بيحتاج يعمل حاجات تقاوم الخوف اللى جواه ده فبياخد مخدرات تغطى على المشاعر السلبية دى .
ممكن علشان
– يبقى جامد .
– يبقى قوى .
– علشان يعرف يشتغل بشكل احسن .
– علشان يقدر ينتج بشكل جامد .
* لكن هو فى الاخر كان خايف أو فى الاصل كان خايف .
لو كان عاوز يجعجع بشكل عالى ويبقى بلطجى بياخد مخدرات علشان يبقى كدا لكن هو فى الأصل كان خايف فهو بيحاول دايما ياخد مخدرات علشان يقاوم أحاسيس الخوف إن الناس هاينتهكو حقوقه أو هاييجو عليه فبيبقى كدا
– يعنى فى الأصل كان خايف .
* خدعوك فقالو إن المدمن بلطجى او شرير .
– هى ممكن تكون دى مظاهر للإدمان اللى عنده
* لكن حقيقة المدمن ( خاااااااااااااا​يف ) .