سؤال متكرر: أنا وجوزي اتفقنا على الطلاق؛ ازاي نقول للولاد؟ الموضوع طويل ومهم ويجب التحضير له جيدا ولكن هحاول أركز على نقاط محددة:       ١. أهم من انها هتقول ايه .. هتقوله ازاي؟ ٢. خلي بالنا من إحساس الطفل بالذنب. ٣. الكلام مع الطفل عن مرحلة ما بعد الانفصال. بالنسبة للنقطة الأولى؛ هتقوله ازاي؟ اختيار الوقت والمكان و الطريقة المناسبين – يفضل الأب والأم يكونوا موجودين وهم بيقولوا الخبر …

الوسواس القهري عند الأطفال من الحاجات المهمة اللي لازم تكون في دماغ اللي بيتعامل مع هذه الفئة العمرية، فمعدل انتشاره تقريبا ٢% ، ودي نسبة مش قليلة، فتقريبا كده لا يخلو فصل في مدرسة حكومية من طفل أو اتنين عندهم وسواس قهري. بس ليه مش بنشوف النسبة دي فعلا في الحقيقة؟ ببساطة لأن معظمهم مش بيتشخصوا، ولا حد بيعرف عنهم حاجة إلا في سن أكبر، و كتير جداً من الحالات …

فيه سؤال مهم جدا بنتسأله في عيادات #طب_نفس_الأطفال_والمراهقين : هل #التوحد له علاج؟ وده سؤال صعب الحقيقة لأن مافيش دواء حتى الآن لعلاج التوحد أومال بنعمل حملات التوعية ليه؟ لأن فيه علاج، وهو البرامج التأهيلية الشاملة اللي بتتضمن تعديل سلوك وتنمية مهارات وتخاطب وعلاج وظيفي دي الحاجة الوحيدة المعتمدة اعتماد مبني على الدليل العلمي وفيه برامج كتير بتعمل ده والمفترض اننا بنتكلم في معدل لا يقل عن ٤ ساعات يوميا وبالتالي إما يكون منتظم …

بخصوص موضوع الحوت الأزرق؛ كتير من الأمهات بدأوا يقلقوا بعد ما ولادهم فعلا بيتكلموا عن اللعبة كتير وعاوزين يجربوها كلامي هنا بشكل عام مش بخصوص اللعبة بعينها بخصوص اللعبة نفسها ونفسية المراهق فيه لينك آخر البوست للمهتم. أنا بس عاوز أنبه على نقاط بسيطة عامة وازاي نوصلها لأطفالنا؛ سواء بخصوص اللعبة دي أو غيرها، والتواصل مع اشخاص غرباء عموما؛ افتراضيين أو من لحم ودم: ١. نقطة تعليم اولادنا السرية والأسرار …

مبدأيا أنا ما اعرفش المرادف العربي المناسب لكلمة Masturbation لأنها في الأطفال مش بتكون سرية أصلا، وما أقدرش أسميها استمناء لأنه لم يصل لهذه المرحلة بعد. والبعض بيسميها (المداعبة الذاتية) الأكيد إنه فعل يؤدي للإستثارة الذاتية للطفل وبيولد إحساس ممتع، فبشكل طبيعي الطفل بيحب يكرر السلوك أو الفعل ده. الأطفال يعملوا كده ؟؟؟؟ السلوك ده ممكن يبدأ من سن صغير حتي من سنة أو أقل، ده نادر بس بنشوفه. لكن أكتر …

أ). الانتهاكات الجنسية للأطفال في بلاد برة منتشرة جدا جدا، وده غير عندنا في بلاد جوه، ولأننا في مجتمع متدين بطبعه فالانتهاكات الجنسية في حق الأطفال عندنا .. منتشرة جدااا جدااا جداااا، أطفال الأسرة و أطفال دور الرعاية وأطفال الشوارع و أيتها طفل .. كلهم معرضين لده للأسف. ب). اللي بنشوفه في عياداتنا في طب نفس الأطفال والمراهقين بخصوص موضوع التحرش الجنسي لا يخطر على بالك … بجد لا يخطر …

كتبت بوست سابق ( بخصوص التلفزيون والأطفال وتأخر النمو ) عن خطورة قضاء أطفالنا وقت طويل أمام الشاشات، وقلنا إن فيه مشكلة في الوقت ومشكلة في المحتوى بخصوص المحتوى ومع أخذ الاحتياطات اللي قلناها في البوست السابق؛ هنحاول نجمع روابط لحلقات أو برامج كارتون مفيدة ومهمة للأطفال هنا، واللي عنده تجربة مع حاجة يحطها في كومنت – من أفضل القنوات للسن الصغير هي قناة براعم، بكل برامجها تقريبا زي حكايات العم مصلح، حواديت …

التلفزيون فعلا بيعمل تأخر شديد أحيانا في اكتساب كثير من المهارات الحياتية اليومية، أهمها هي مهارات التواصل وده لأن الطفل في التعامل مع التلفزيون هو متلقي سلبي، يعني مش مطلوب منه أي حاجة غير الاستلقاء أمام التلفزيون والمتابعة، مش مطلوب يتكلم ومش مطلوب يعبر عن نفسه ومش مطلوب حتى يتحرك، فبيظهر بشكل واضح عدم نمو -أو على أقل تقدير ضعف- مهارات اللغة وخاصة اللغة التعبيرية بشكل مناسب للمرحلة العمرية. بالإضافة …