استشارة نفسية 042

الاستشارة

العنوان : الحب فى المراهقه

انا اخصائية بمدرسة اعدادى وثانوى وبقاببل باستمرار عند البنات موضع الحب، والرغبة فى صحبية الولاد المشكلة مش فى المشاعر المشكلة فى البينتج عن  امشاعر دى من مثلا غماء نتيجة الخصام بنهم او عدم التركيز فى الدروس او  حتى زعل الاهل  فازاى انا ققدر احترم مشاعرهم دى وفى نفس الوقت واجههم صح بحيث انهم ميتضررووش

الرد

 السلام عليكم ورحمة الله وبركاته

مشكلة منتشرة وصعبة لكن بإذن الله لها حل الحل فيه جزء كبير وقائي ؛ بمعنى الموضوع محتاج يتفتح من قبل قصة الحب ما تبدأ البنات بتكون عايزة تعوض حب مفقود في البيت او بتتعايش مع شخصية هي حباها ولو ممثلة حتى الحلول تتلخص في ان كل بنت تكون لاقيه نفسها في طريق….

يعني ليها هدف وعايزه توصله ونتكلم معاهم عن الاهداف فقدان الهوية والهدف هو السبب ان البنت بتكون بتضور على حد يقبلها زي ما هي بدون ما ينتقدها كتير زي ما باقي المحيطين بيعملو فالبنت بتلاقي حد بيقبلها بالاضافة

أنها بتصدق كل كلامه وعلى اساس كده بتكمل الرواية في دماغها وبتخترلها نهاية سعيدة رغم ان الرواية غالبا (99.99999%) مش هتكمل ووغالبا النهاية مش سعيدة….

البنات محتاجين يكون عندهم وعي بكده

وعي انها بتهرب من الدنيا لسكه تبدو مريحية لكن مش بتوصل

حضرتك هتقدري تعملي دا لو كانت فيه علاقة شبه بالصداقة معاهم بالاضافة لمهارة حضرتك في لفت انتباهم للموضوع بالشكل دا

-- 
د.محمد حسين